गट कर्ज व्याज परतावा योजना रु.10.00 लक्ष ते रु.50.00 लक्ष

1. शासनाकडून प्राप्त सहाय्यक अनुदान रकमेतून महामंडळामार्फत ही योजना राबविण्यात येईल.
2. गटातील अर्जदारांचे किमान वय वर्षे 18 ते 45 असावे तसेच गटातील अर्जदार हे महाराष्ट्र राज्याचे रहिवाशी असावेत.
3. बँकेकडून प्रती गटास कमीत कमी रु.10.00 लक्ष ते जास्तीत जास्त रु.50.00 लक्षपर्यंतच्या मंजूर उद्योग उभारणीकरीता असेल.
4. पात्र शेतकरी उत्पादक (शेतकरी उत्पादक संघटना एफपीओ) गटांना रु.50.00 लक्षपर्यंत बिनव्याजी दराने कर्ज रक्कम उद्योगाकरीता देण्यात येईल.
5. योजना संपूर्णपणे संगणकीकृत असून सदर प्रक्रिया सार्वजनिक वित्तीय व्यवस्थापन प्रणाली (पीएफएमएस) अथवा तत्सम संगणक प्रणालीद्वारे राबविण्यात येईल.
6. मंजूर कर्जावर 5 वर्षापर्यंत अथवा कर्ज कालावधी यापैकी जे कमी असेल ते, कर्ज मंजूर केलेल्या गटाने वेळेत कर्जाचे हप्ते भरल्यास, हप्ता भरल्यावर जास्तीत जास्त 12% व्याज दराच्या आणि रु.15.00 लक्षच्या मर्यादेत त्यातील व्याजाची रक्कम गटास दरमहा महामंडळामार्फत जमा करण्यात येईल.
7. महामंडळ केवळ बँकेने वेळेत वसूल केलेली योग्य व्याज रक्कम अदा करेल, याऐवजी इतर कोणतेही चार्जेस / फीस अदा करणार नाही.
8. गटातील उमेदवारांनी महामंडळाच्या अधिकृत वेबपोर्टल वर अर्ज सादर करणे बंधनकारक आहे. प्रस्ताव सादर केल्यावर दिलेल्या अटी व शर्तीनुसार प्रस्ताव पात्र ठरत असल्यास गटास संगणकीकृत सशर्त पात्रता प्रमाणपत्र (एलओआय) दिले जाईल. गटाने या सशर्त पात्रता प्रमाणपत्र (एलओआय) प्राप्त झाल्यानंतरच बँकेकडून कर्ज प्रकरण मंजूर करुन घ्यावे लागेल.
9. सदर योजनेंतर्गत दोन व्यक्तींसाठी कमाल रु.25.00 लाखाच्या मर्यादेवर, तीन व्यक्तींसाठी रु.35.00 लाखांच्या मर्यादेपर्यंत, चार व्यक्तींसाठी रु.45.00 लाखाच्या मर्यादेपर्यंत व पाच व पाच पेक्षा अधिक व्यक्ती असल्यास रु.50.00 लाख पर्यंतच्या व्यवसाय/उद्योग कर्जावर 5 वर्षापर्यंत अथवा कर्ज कालावधी यापैकी जे कमी असेल ते जास्तीत जास्त 12% व्याज किंवा 15.00 लाखाच्या मर्यादेत कर्ज मंजूर केलेल्या गटाने वेळेत कर्जाचे हप्ते भरल्यास त्यावरील व्याजाची रक्कम गटाच्या बँक खात्यात दरमहा महामंडळामार्फत जमा करण्यात येईल.
10. अर्जदाराची कौटुंबिक वार्षिक उत्पन्नाची मर्यादा शासनाने वेळोवेळी निर्धारित केलेल्या नॉन क्रिमीलेयरच्या मर्यादेत असावी.

msobcfdc.in

लाभार्थी:

--

फायदे:

--